İş geyimlərinin rahat və davamlı olması vacib olduğundan, onlara xüsusi tələblər olur. Fəaliyyətə maneə olmaması üçün olan əsas tələblər kimi demək olar ki:
- Geyim dartılmaya davamlı olmalıdır;
- Sıx və etibarlı tikişi olmalıdır;
- Yuyulmalardan sonra yeniliyini saxlamalıdır;
- Uzun müddət xidmət göstərə bilməlidir;
- Dizayn və görünüş cəhətdən səliqəli olmalıdır.
Keyfiyyətli iş geyimini hansı xüsusiyyətlərinə görə ayırmaq olar?
- Sertifikatların mövcudluğu;
- Yüksək keyfiyyətli, hava keçirən material;
- Müxtəlif temperaturlarda işləyərkən bədənə rahatlıq verə bilən geyim olmalıdır;
- Hərəkəti məhdudlaşdırmamalı və bədənə ağırlıq verməməlidir;
- İkiqat tikiş texnologiyasından və möhkəmləndirilmiş ipliklərdən istifadə olunmalıdır
İş geyimləri yaranan gündən bəri dəbin gedişatına da təsir göstərir. Məsələn, 1980 -ci illərdə ingilis işçilərinin geyindiyi Donkey gödəkçəsi və Dok Martens çəkmələri daha sonra futbol azərkeşlərinin və pank musiqi həvəskarlarının məşhur küçə geyiminə çevrildi. 21-ci əsrdə Londonun və Nyu Yorkun bəzi küçələrində kişilər 20-ci əsrin iş geyimini xatırladan kombinezonlar geyinirlər.
İş geyimi xırda detallara qədər düşünülmüş olmalı, özündə estetika və funksionallığı birləşdirməlidir.
